Tos lami tara nganggo basa sunda, jadi rada kagok. Nyaan, asa langkung lancar nganggo basa plembang. Leres sih, aya paribasa yen dimana bumi dipijak, disitu langit dijunjung, ditambih tara pisan tepang sareng urang sunda, tara ngobrol dina basa sunda, janten weh..kagok!!
Saleresna mah aya pitaroseun anu ayana dina manah wungkul, ngan ayeuna nembe nyobian dikedalkeun, nyaeta Ari urang Sunda pami aya di panyabaan tara caket jeung sasami urang Sunda deui. Naha nya??? Eta anu teras ngajulimet aya dina manah. Padahal upami tiasa ngaraketkeun silaturrahim sasami urang sunda, tiasa langkung sae atuh. Saha terang, engke teh tiasa midamel padamelan anu tiasa picarioseun ku nu sanes pedah ku mangfaatna, pedah ku kasaeanana... Lah.. seueur anu tiasa dipidamel teh upami parantos kompak mah.
Eta deui, upami majalah Mangle teh tasih aya??? Eta hiji-hijina majalah anu leres-leres sunda, sagala rupi bentuk sastra sunda teh ayana didinya. Da abi oge, tiasa lancar maca sareng nyarios sunda teh diantawisna pedah rajin maca Mangle.
Cik atuh urang SUNDA, urang sami-sami ngangkat SUNDA, tong sina ical...
